တရုတ်သမတ မစ္စတာ ဟူကျင်းတောင်၏ ဖိတ်ကြားချက်အရ နအဖ ဥက္ကဌ ဗိုလ်ချုပ်မှူးကြီးသန်းရွှေနှင့် ဇနီးဖြစ်သူ ဒေါ်ကြိုင် ကြိုင်တို့သည် မကြာမီကာလအတွင်း တရုတ်နိုင်ငံသို့ ချစ်ကြည်ရေး ခရီးထွက်မည်ဟု ယနေ့ထုတ် မြန်မာ့အလင်း သတင်းစာ တွင် ဖော်ပြထားသည်။

ပြီးခဲ့သည့် ဇူလိုင်လ ၂၆ရက် လကုန်ပိုင်း၌ ဗိုလ်ချုပ်မှူးကြီး သန်းရွှေနှင့် အဖွဲ့ဝင် ၈၀ကျော်သည် အန္ဒိယနိုင်ငံသို့ (၅)ရက်ကြာ ထွက်ခဲ့အပြီး တစ်လအကြာတွင် ဒုတိယအကြိမ် ခရီးထွက်ရန် ယခုလို သတင်းထွက်လာပေါ်ခဲ့ခြင်း ဖြစ်သည်။

မြန်မာစစ်တပ် အကြီးအကဲ ဗိုလ်ချုပ်မှူးကြီးသန်းရွှေ လာမည့် အပတ်တွင် တရုတ်နိုင်ငံသို့ အလည်အပတ်လာမည်ဟု တရုတ် အစိုးရက ပြီးခဲ့သည့် ကြာသပတေးနေ့က ပြောဆိုကြောင်း ဘေဂျင်းရှိ Medicine Hat News သတင်းတွင် ဖော်ပြထားသည်။

“စစ်ဗိုလ်ချုပ်ကြီးသန်းရွှေက လာမဲ့ အင်္ဂါနေ့ကစပြီး လေးရက်တာ အလည်အပတ် လာရောက်မှာဖြစ်ပါတယ်။ ဒါ့အပြင် သူ့ရဲ့ ခရီးစဉ်ကို ဘေဂျင်းနဲ့ ရှန်ဟိုင်းမှာ အဆုံးသတ်မှာ ဖြစ်တယ်။”ဟု တရုတ်နိုင်ငံခြားရေးဌာန ပြောရေးဆိုခွင့်ရှိသူ Jiang Yu က ထုတ်ဖော်ပြောဆိုခဲ့သည်။

ယခုသွားမည့် ဗိုလ်ချုပ်မှူးကြီးသန်းရွှေ၏ တရုတ်နိုင်ငံ ခရီးစဉ်နှင့်ပတ်သက်၍ တရုတ်-မြန်မာနယ်စပ်အခြေစိုက် မြန်မာ့နိုင်ငံ ရေး လေ့လာသုံးသပ်သူ ဦးအောင်ကျော်ဇောက ကေအိုင်စီကို ယခုလို ပြောသည်။

သူက “အခု သူသွားမယ့် ကိစ္စကတော့ အကြမ်းအားဖြင့် သုံးခု ရှိမယ်။ တစ်အချက်ကတော့ ရွေးကောက်ပွဲဆိုင်ရာ အပြောင်းအ လဲကိစ္စပေါ့။ နှစ်အချက်ကတော့ အိန္ဒိယခရီးစဉ်ကိုသွားတာ တရုတ်ကို သူရှင်းပြမယ်။ ဘာတွေပြောခဲ့လဲ စသည်ဖြင့်ပေါ့။ သုံးအ ချက်ကတော့ နယ်စပ်မှာ တင်းမာမှု အခြေအနေတွေပေါ့။ ငြိမ်းချမ်းရေးအဖွဲ့ကို မထားဘူး။ နယ်ခြားစောင့်တပ် ပြောင်းမယ်။ မရရင် တိုက်မယ်။ အဓိက အဲဒါတွေပေါ့။”ဟု ပြောဆိုသည်။

ဗိုလ်ချုပ်မှူးကြီး၏ ယခုခရီးစဉ်သည် အိန္ဒိယနိုင်ငံ ခရီးစဉ်ကဲ့သို့ အကောင်းချည်း အဆိုးချည်းပင် မပြောနိုင်သော်လည်း တရုတ် နှင့် အပေးအယူလုပ်ကာ အကျိုးအမြတ် တစုံတရာ ရရှိလာနိုင်သည်ဟု သူက ဆက်ပြောသည်။

ပြီးခဲ့သည့် ဗိုလ်ချုပ်မှူးကြီးသန်းရွှေ၏ အိန္ဒိယနိုင်ငံ ခရီးစဉ်သည် စစ်အစိုးရက အိန္ဒိယ ခွဲထွက်ရေးသူပုန်များကို မြန်မာ့မြေပေါ်၌ လက်ခံမည်မဟုတ်ကြောင်း ပြောဆိုခဲ့ပြီး အိန္ဒိယအစိုးရဘက်မှလည်း ၎င်းတို့အနေဖြင့် စစ်သုံးလေယာဉ်များ၊ ညကြည့်မှန် ပြောင်းတပ် ရိုင်ဖယ်သေနတ်များနှင့် ကမ်းရိုးတန်း ကင်းလှည့်မော်တော်များ ကူညီပေးရန် သဘောတူညီခဲ့ကြောင်း အိန္ဒိယ သတင်းဌာနတစ်ခုတွင် ဖော်ပြထားသည်။

ထို့အပြင် အိန္ဒိယနိုင်ငံရောက် မြန်မာ့လူ့အခွင့်အရေးနှင့် ဒီမိုကရေစီလှုပ်ရှားသူများက ဗိုလ်ချုပ်မှူးကြီးသန်းရွှေ၏ ခရီးစဉ်တစ် လျှောက် ကန့်ကွက်ဆန္ဒပြနေခဲ့သည့်ကြားမှ အိန္ဒိယသမတ Pratibha Patel က မြန်မာ-အိန္ဒိယနှစ်နိုင်ငံ ဆက်ဆံရေးသည် တမူထူးခြားကြောင်းလည်း ထုတ်ဖော်ပြောဆိုခဲ့သည်။

အဆိုပါ ခရီးစဉ်တွင် အိန္ဒိယရှိ EXIM ဘဏ်နှင့် မြန်မာနိုင်ငံမှ မြန်မာ့နိုင်ငံခြား ကုန်သွယ်မှုဘဏ်တို့က မြန်မာ-အိန္ဒိယနယ်စပ် မီဇိုရမ်ပြည်နယ်တွင် ရထားလမ်းများ ပြုပြင်ဖောက်လုပ်ရေးအတွက် အမေရိကန်ဒေါ်လာသန်း ၆၀ ချေးငှားရန် စာချွန်လွှာ၊ နှစ် နိုင်ငံ ကုန်သွယ်ရေးနှင့် နည်းပညာများ ငွေကြေးဆိုင်ရာ နားလည်မှု စာချွန်လွှာများနှင့် အိန္ဒိယအစိုးရမှ မြန်မာ့စိုက်ပျိုးရေးကဏ္ဍ အတွက် အမေရိကန် ဒေါ်လာ ၁၀သန်းကို ချေးငွေထုတ်ပေးမည် စသည့် သဘောတူညီမှုများ ရရှိခဲ့သည်ဟု သိရသည်။

နယ်ခြားစောင့်တပ်အသွင်ပြောင်းရန် ဖိအားပေးခြင်းခံရသည့် မွန်ပြည်သစ်ပါတီ(NMSP)သည် အစိုးရနှင့် နိုင်ငံရေး ကိစ္စရပ်ကို ဆွေးနွေးညှိနှိုင်းပြီးမှသာ တပ်အသွင်ကူးပြောင်းရေးကို လုပ်ဆောင်မည်ဟု မွန်ပြည်သစ်ပါတီမှ ထိပ်တန်းခေါင်းဆောင်တဦးက ပြောသည်။

မွန်ပြည်သစ်ပါတီ နိုင်ငံခြားရေးဌာန တာဝန်ခံ ပါတီပြောခွင့်ရ နိုင်ဟံသာဗွန်ခိုင်က “ကျနော်တို့ကတော့ နောက်တက်မယ့်အစိုးရ နဲ့သော်လည်းကောင်း၊ လက်ရှိအစိုးရနဲ့သော်လည်းကောင်း နိုင်ငံရေးကိစ္စရပ်ကို ဆွေးနွေးညှိနှိုင်းအဖြေရှာပြီးမှ တပ်အသွင်ကူး ပြောင်းရေး လုပ်ဆောင်စေလိုကြောင်း စက်တင်ဘာ ၁ရက်နေ့မှာ တိုင်းမှူး ဗိုလ်ချုပ်သက်နိုင်ဝင်းကို အကြောင်းပြန်ထား တယ်။”ဟု ကေအိုင်စီကို ပြောသည်။

ယခင်လ သြဂုတ် ၂၃ရက်နေ့တွင် အရှေ့တောင်တိုင်း စစ်ဌာနချုပ် တိုင်းမှူး ဗိုလ်ချုပ်သက်နိုင်ဝင်းက မွန်ပြည်သစ်ပါတီမှ ထိပ် ပိုင်းခေါင်းဆောင်တချို့ကို မော်လမြိုင်မြို့ စစ်ဌာနချုပ်ရုံး၌ ခေါ်တွေ့ခဲ့ရာ တိုင်းမှူးက စက်တင်ဘာ ၁ရက်နေ့မှာ လက်နက်စွန့် ရမည်ဖြစ်ကြောင်း လက်နက်မစွန့်လွှတ်ပါက ငြိမ်းချမ်းရေးမယူခင်ကာလ အခြေအနေကို ရောက်သွားမည်ဖြစ်ပြီး တရားမ၀င် အသင်းဖြစ်သွားမည်ဟု သတိပေးသောကြောင့် ယခုလို အကြောင်းပြန်ရခြင်းဖြစ်သည်ဟု နိုင်ဟံသာဗွန်ခိုင်က ပြောသည်။

ထိုကဲ့သို့ အကြောင်းပြန်လိုက်သည့်အပေါ် လက်နက်ကိုင်ပဋိပက္ခ အချိန်မရွေးဖြစ်ပွားသွားနိုင်သောကြောင့် သံဖြူဇရပ်နှင့် ဘုရားသုံးဆူလမ်းမကြီးအပြင် မွန်ပြည်သစ်ပါတီတပ်ဖွဲ့ဝင်များ လှုပ်ရှားသည့်ဒေသတို့တွင် နအဖစစ်တပ်များက စစ်ကားတချို့နှင့်အတူ ခြေကုပ်နေရာယူထားခြင်းရှိသလို မွန်ပြည်သစ်ပါတီဘက်ကလည်း တပ်လှန့်နေရာယူမှုများ လုပ်ဆောင်နေသည်ဟု နိုင်ဟံသာဗွန်က ထပ်လောင်းပြောသည်။

MNLA တပ်မတော်

နယ်ခြားစောင့်တပ်(သို့မဟုတ်)ပြည်သူ့စစ်တပ်အသွင်ပြောင်းရေးကိစ္စနှင့် ပတ်သက်၍ မွန်ပြည်သစ်ပါတီအနေဖြင့် လက်မခံနိုင် သေးကြောင်းကို ၂၀၁၀ခုနှစ် ဧပြီလ ၂၂ ရက်နေ့၊ ဧပြီလ ၂၅ ရက်နေ့နှင့် သြဂုတ်လ ၃၀ရက်နေ့တို့တွင် အရှေ့တောင်တိုင်း စစ် ဌာနချုပ်သို့ စာဖြင့် အကြောင်းပြန်ခဲ့သလို ယခင်နှစ် သြဂုတ်လ (၅)ရက်နေ့တွင် ကျရောက်သည့် မွန်အမျိုးသားတော်လှန်ရေး နေ့ကလည်း နယ်ခြားစောင့်တပ်ကိစ္စကို တရားဝင် ငြင်းဆန်ခဲ့ဟု သိရသည်။

မွန်ပြည်သစ်ပါတီသည် ၁၉၉၅ခုနှစ်တွင် နအဖ စစ်အစိုးရနှင့် အပစ်အခတ်ရပ်စဲရေးယူထားသည့် တိုင်းရင်းသားလက်နက်ကိုင် (၁၇)ဖွဲ့အနက်မှ မွန်အမျိုးသား လက်နက်ကိုင်အဖွဲ့တဖွဲ့ ဖြစ်သည်။

နအဖ စစ်အစိုးရ၏ စစ်ဆင်ရေးအောက်တွင် ဒုက္ခအမျိုးမျိုး ရင်ဆိုင်နေရသည့် ကရင်ပြည်နယ် မြောက်ပိုင်း ကေအဲန်ယူ တပ် မဟာ(၅)၊ ဖာပွန်ခရိုင်၊ လူသောမြို့နယ်ရှိ ကရင်လူထု ၂၇,၀၀၀ကျော်ကို စာနာနားလည်ပြီး ၀ိုင်းဝန်းကူညီပေးကြရန် ကရင် လူ့အခွင့်အရေးအဖွဲ့(KHRG)က ယနေ့ရက်စွဲဖြင့် အစီရင်ခံစာစောင် ထုတ်ပြန်ကာ နိုးဆော်လိုက်သည်။

ယနေ့ ထုတ်ပြန်လိုက်သည့် “တင်းကြပ်သည့် အခြေအနေအောက်တွင် မိမိကိုယ်ကိုကာကွယ်ခြင်း” အစီရင်ခံစာတွင် ဖာပွန် ခရိုင်၊ လူသောမြို့နယ်အတွင်း စစ်အစိုးရ၏ ထိုးစစ်ဆင်မှုကို ခံစားရပြီး ဆင်းရဲဒုက္ခကြုံတွေ့နေရသည့် လူထု၏ အခြေအနေ များကို စုဆောင်းတင်ပြထားခြင်းဖြစ်ပြီး ကမ္ဘာတ၀ှမ်းရှိ လူသားချင်း စာနာထောက်ထားသူများက သိရှိနားလည်ပြီး ၀ိုင်းဝန်း ကူညီပံ့ပိုးပေးကြရန် ရည်ရွယ်ထုတ်ပြန်ခြင်းဖြစ်ကြောင်း KHRG ၏ Field Director စောဖိုးရှဲက ယခုလို ပြောသည်။

သူက “အခု လက်ရှိမှာ နိုင်ငံတကာအသိုင်းအ၀ိုင်းပဲဖြစ်ဖြစ် မြန်မာပြည်တွင်းက ရွေးကောက်ပွဲအကြောင်းကိုပဲ ပြောကြတာ များတယ်။ စစ်အစိုးရ စစ်ဆင်ရေးအောက်မှာရှိတဲ့ လူထုတွေက တော်တော် ဒုက္ခရောက်နေတယ်။ စားရေးသောက်ရေး၊ ကျန်းမာရေး၊ ပညာရေးကအစ အခက်အခဲရှိတယ်။ အဲဒါတွေဟာ ကြီးမားတဲ့ ပြဿနာတခုလို့ ကျနော်တို့မြင်တယ်။ နိုင်ငံတ ကာ အသိုင်းအ၀ိုင်းအနေနဲ့ ဒုက္ခရောက်တဲ့ လူထုတွေကို အနီးကပ် လေ့လာစေချင်တယ်။ ၀ိုင်းဝန်းကူညီစေချင်တယ်။”ဟု ပြောသည်။

ထိုအစီရင်ခံစာတွင် လူသောမြို့နယ်ရှိ ရွာသူရွာသား ၂၁၂ဦးကို ၂၀၀၉ခုနှစ်မှစ၍ တွေ့ဆုံမေးမြန်းခဲ့ကာ ထိုဒေသအတွင်း ထိုးစစ်ဆင်လာသည့် နအဖ စစ်တပ်များက ရွာသူရွာသား၏ အိုးအိမ်များ၊ ပစ္စည်းများ၊ တောင်ယာ၊ စိုက်ပျိုးခင်းများကို မီးရှို့ ဖျက်ဆီးကာ တွေ့ရှိသည့် ရွာသူရွာသားများကို ပစ်သတ်သည့်အပြင် နေရာဝင်ယူသည့်အတွက် ရွာသူရွာသားများအနေဖြင့် လုပ်ကိုင်စားသောက်ရေးမှာ ပို၍ အခက်အခဲဖြစ်ရကြောင်း သိရသည်။

စောဖိုးဆဲက “အခု Report မှာ အထူးသဖြင့် ဖာပွန်ခရိုင်၊ လူသောမြို့နယ်က လူထုတွေကို တွေ့ဆုံမေးမြန်းပြီးတော့ တင်ပြ ထားတယ်။ ခရိုင်မှာ ထွက်ပြေးတိမ်းရှောင်ရတဲ့လူတွေ အများကြီးရှိပါတယ်။ အခုလူသောမှာ လူထုလူဦးရေက များသလို ၂၀၀၉ခုနှစ်မှာ နအဖတပ်တွေ ပိုဝင်လာတယ်။ လူထုတွေက ပိုဒုက္ခရောက်တယ်။ ပြင်ပအဖွဲ့အစည်းတွေ ၀င်ရောက်ကူညီ တာ မရှိဘူး။ သူတို့ဟာ သူတို့ ရုန်းကန်ရတယ်။”ဟု ဆိုသည်။

ယခု အစီရင်ခံစာကို ထုတ်ဝေရန် စီစဉ်နေစဉ် ဇူလိုင်လ ၂၃ရက်နေ့က လူသေမြို့နယ်အတွင်း လှုပ်ရှားလာသည့် နအဖ စကခ(၁၀)လက်အောက်ခံ တပ်ရင်းက သဒါးဒဲကျေးရွာကို လက်နက်ကြီးများဖြင့် ပစ်ခတ်၊ စာသင်ကျောင်းများ၊ ခရစ်ယာန် ဘုရားကျောင်း အပါအ၀င် ရွာလုံးကျွတ် မီးရှို့ဖျက်ဆီးခဲ့ပြီး သဒါးဒဲရွာနှင့် အနီးအနားရှိ ၅ရွာမှ ရွာသူရွာသား ၁,၀၀၀ကျော် ထွက်ပြေးတိမ်းရှောင်ရသည်ဟု ယနေ့ ထုတ်ပြန်သည့် သတင်းထုတ်ပြန်ချက်တွင် ဖော်ပြထားသည်။

လူထုများအနေဖြင့် နအဖ စစ်တပ်၏ ထိန်းချုပ်မှုအောက်တွင် မနေချင်သလို ထိုင်း-မြန်မာနယ်စပ်ရှိ ဒုက္ခသည်စခန်းများအ တွင်းသို့ သွားရောက်နေလိုစိတ်မရှိဘဲ ၎င်းတို့၏ ဒေသအတွင်း အေးအေးချမ်းချမ်းနှင့်သာ လုပ်ကိုင်စားသောက်လိုကြသူများ ဖြစ်သည်။

ကရင်ပြည်နယ်မြောက်ပိုင်းရှိ ဖာပွန်ခရိုင် အပါအ၀င် တောင်ငူ၊ ညောင်လေးပင်၊ သထုံ စသည့်ခရိုင်များအတွင်း နအဖ စစ် တပ်အလုံးအရင်းဖြင့် ထိုးစစ်ဆင်တိုက်ခတ်လာသည့် ၂၀၀၆ခုနှစ်မှစ၍ ထွက်ပြေးတိမ်းရှောင်နေရသည့် ရွာသူရွာသားပေါင်း ၈၉,၀၀၀ခန့်ရှိကြောင်း KHRG ၏ မှတ်တမ်းအရ သိရသည်။

နယ်ခြားစောင့်တပ်ဖွဲ့စည်းရန် တရားဝင် ငြင်းဆန်လိုက်သည့် ကရင်ပြည်နယ် ကော့ကရိတ်မြို့နယ် ထို့ကော်ကိုးကျေးရွာအခြေစိုက် ကေအဲန်ယူ-ကေအဲန်အယ်လ်အေ ကရင်ငြိမ်းချမ်းရေးကောင်စီသည် နအဖက တိုက်ခိုက်လာသော် ပြန်လည် တိုက်ခိုက်ရန် စစ်ရေး ပြင်ဆင်မှုများ လုပ်ဆောင်နေပြီဟု ထိုအဖွဲ့၏ ထိပ်ပိုင်းခေါင်းဆောင်တစ်ဦးက ယနေ့ ပြောသည်။

ငြိမ်းချမ်းရေးကောင်စီ၏ နိုင်ငံခြားရေးရာ တာဝန်ခံ ဗိုလ်မှူးချုပ် ဒေါက်တာစောတီမသေက “လ ကုန်လို့ ကျနော်တို့ BGF မလုပ်လို့ရှိ ရင် ခင်ဗျားတို့ကို တိုက်ရမှာပဲလို့ နအဖပြောတယ်။ ကျနော်တို့ဘက်ကလည်း ပြန်တိုက်ဖို့ အကုန်လုံးပြင်ဆင်ပြီးပါပြီ။ တနေရာမှာ သေနတ်သံမြည်လိုက်တာနဲ့ တလျှောက်လုံးမြည်မှာပဲ။ ဒီကေဘီအေနဲ့ ကေအဲန်ယူတွေလည်း နားလည်မှု ရယူထားပြီးသားပါ။”ဟု ပြောသည်။

လက်ရှိအချိန်တွင် ကရင်ငြိမ်းချမ်းရေးကောင်စီ အခြေစိုက်ရာ နေရာများတွင် နအဖစစ်တပ်များ အင်အားတိုးချဲ့လာပြီး ခြေကုပ်နေ ရာယူထားသလို ငြိမ်းချမ်းရေးကောင်စီဘက်ကလည်း စစ်ရေးပြင်ဆင်မှုအတွက် တပ်အင်အားစုစည်းမှုများ လုပ်ဆောင်နေပြီဟု ဗိုလ်မှူးချုပ် ဒေါက်တာစောတီမသေက ပြောသည်။

ပြီးခဲ့သည့် သြဂုတ်လ ၂၄ရက်နေ့က နအဖထိပ်ပိုင်းခေါင်းဆောင်များနှင့် ငြိမ်းချမ်းရေးကောင်စီ ကိုယ်စားလှယ်အဖွဲ့တို့ မွန်ပြည်နယ် မော်လမြိုင်မြို့တွင် တွေ့ဆုံခဲ့ရာ၌ တစ်ပတ်အတွင်း နယ်ခြားစောင့်တပ်လက်မခံပါက မတရားအသင်းအဖြစ် ကြေညာပြီး စစ်ရေး အရ အရေးယူမည်ဟု နအဖဘက်မှ သတိပေးခဲ့ပြီးနောက် ယခုလို နှစ်ဘက်စစ်ရေးပြင်ဆင်မှုများ ဖြစ်ပေါ်လာခြင်းဖြစ်သည်။

ကြာအင်းဆိပ်ကြီးမြို့နယ်ရှိ ငြိမ်းချမ်းရေးကောင်စီ တပ်မှူးတဦးက “လောလောဆယ်အချိန်မှာတော့ တအုံနွေးနွေးပဲ။ အခြေအနေ က အမျိုးမျိုး ပြောင်းလဲနိုင်တယ်။ အထက်က ပြင်ဆင်ထားခိုင်းတယ်ဆိုတော့ ကျနော်တို့လည်း ပြင်ဆင်ထားတာပဲ။ ကျနော်တို့က အထက်ရဲ့အမိန့်အတိုင်းပဲ လိုက်နာသွားမယ်။”ဟု ပြောသည်။

ကရင်ငြိမ်းချမ်းရေးကောင်စီသည် ယမန်နှစ် အောက်တိုဘာလ ၂၀ရက်နေ့က စစ်အစိုးရ၏ နယ်ခြားစောင့်တပ် အသွင်ပြောင်းရန် ဖိအားပေးမှုကို ငြင်းဆန်ခဲ့သလို ဧပြီလ ၇ရက်နေ့က မော်လမြိုင်၊ တောင်ဝိုင်းရှိ အရှေ့တောင် တိုင်းစစ်ဌာချုပ်ရုံးတွင် အစည်းအဝေး ခေါ်ကာ ပြည်သူ့စစ်အဖြစ် အသွင်ပြောင်းရန် ဖိအားပေးခဲ့ခြင်းကိုလည်း ထပ်မံ ငြင်းဆန်ခဲ့သည်။

KNU-KNLA Peace Council ၏ အခြေအနေအပေါ် ကေအဲန်ယူ အထွေထွေ အတွင်းရေးမှူးချုပ် နော်စီဖိုးရာစိန်က “သူတို့က အမှန်တကယ် ရန်သူကို ဆန့်ကျင်တိုက်ခိုက်လာလို့ရှိရင် အချင်းချင်းနားလည်မှု ရယူပြီးတော့ လိုအပ်တဲ့ အကူအညီကို ကျမတို့ ကူ ညီလို့ ရပါတယ်။ စစ်ရေးအရဖြစ်စေပေါ့။ အရေးကြီးဆုံးက ရန်သူကို ကျမတို့ ၀ိုင်းဝန်းတိုက်ထုတ်ဖို့ပဲ လိုအပ်ပါတယ်။”ဟု ပြော သည်။

ထို့ကော်ကိုးဒေသတွင် နအဖနှင့် ငြိမ်းချမ်းရေးကောင်စီအကြား တိုက်ပွဲ တစုံတရာ ဖြစ်ပွားလာပါက ထိုဒေသရှိ ကျေးရွာပေါင်း (၂၀) ကျော်မှ ဒေသခံရွာသား ၅,၀၀၀ကျော် အိုးအိမ်များကို စွန့်ခွာပြီး စစ်ပြေးဒုက္ခသည် ဖြစ်လာနိုင်ကြောင်း ဘာသာရေးဆရာတစ်ဦး လည်းဖြစ်သည့် ဒေါက်တာစောတီမသေက ဆက်ပြောသည်။

၎င်းက “တိုက်ပွဲဖြစ်လို့ကတော့ အနည်းဆုံး လူထု ၅,၀၀၀ကျော် နေအိမ်စွန့်ခွာပြီးတော့ ထွက်ပြေးနိုင်တယ်။ တိုက်ပွဲအကြီးအကျယ် ဖြစ်မယ်ဆိုလို့ရှိရင် ဒီထက်မက ပြည်သူတွေ ထွက်ပြေးလာနိုင်သေးတယ်။ လောလောဆယ်တော့ ဘာကြိုတင်ပြင်ဆင်မှုမှ မရှိဘူး။ အားလုံးဟာ ဘုရားသခင်လက်ထဲမှာပဲ ရှိပါတယ်။ ကျနော်တို့ အခြေစိုက်ရာနေရာနဲ့ အတတ်နိုင်ဆုံး ခပ်ဝေးဝေးနေသွားဖို့ ပြည်သူ တွေကို ကြိုပြောထားမှာပါ။”ဟု ပြောသည်။

ယခင် ကေအဲန်ယူ တပ်မဟာ(၇)မှူးဟောင်း ဗိုလ်ချုပ်ထင်မောင် ဦးစီးသည့် KNU-KNLA ကရင်ငြိမ်းချမ်းရေးကောင်စီသည် ၂၀၀၇ ခုနှစ်၊ ဖေဖော်ဝါရီလ ၁၁ရက်နေ့ (ကရင်အမျိုးသားနေ့)တွင် ကရင်အမျိုးသားအစည်းအရုံး KNU မှ ခွဲထွက်၍ နအဖနှင့် ငြိမ်းချမ်းရေး ယူခဲ့သော နောက်ဆုံး ကရင်ခွဲထွက်အဖွဲ့တဖွဲ့ဖြစ်သည်။

ယခုအချိန်တွင် ကရင်ပြည်နယ် ဖားအံ၊ ကော့ကရိတ်နှင့် ကြာအင်းဆိပ်ကြီးမြို့နယ်များတွင် အခြေချလှုပ်ရှားလျှက်ရှိပြီး လက်နက် ကိုင်တပ်ဖွဲ့ဝင်အင်အား ၂,၀၀၀ကျော်ရှိသည်ဟု ဗိုလ်မှူးချုပ် ဒေါက်တာစောတီမသေ၏ ပြောပြချက်အရ သိရသည်။

၁၉၈၉ခုနှစ်မှစ၍ နအဖ စစ်အစိုးရနှင့် ပစ်ခတ်ရပ်စဲထားသော တိုင်းရင်းသားလက်နက်ကိုင်အဖွဲ့ ၁၇ဖွဲ့ရှိပြီး ၎င်းတို့ကို နယ်ခြား စောင့်တပ် ပြောင်းလဲဖွဲ့စည်းရေးအတွက် ၂၀၀၉ခုနှစ်၊ ဧပြီလကတည်းက စစ်အစိုးရက စတင် ဖိအားပေးလာခဲ့ရာ အခုချိန်တွင် အပစ်ရပ်အဖွဲ့ (၅)ဖွဲ့လက်ခံခဲ့ပြီးဖြစ်သည်။

မကြာခင် ကျင်းပတော့မည့် ရွေးကောက်ပွဲတွင် ဝင်ရောက်ယှဉ်ပြိုင်ရန်အတွက် ကရင်ပြည်နယ်ကို အခြေခံကာ ဖွဲ့စည်းတည် ထောင်ထားသည့် ဖလုံ-စဝေါ် ဒီမိုကရက်တစ်ပါတီ(PSDP)တွင် အမျိုးသမီးလွှတ်တော် ကိုယ်စားလှယ်လောင်း ၄ဦး ပါဝင်အ ရွေးခံမည်ဖြစ်ကြောင်း သိရသည်။

PSDP ၏ အမျိုးသမီး ဥက္ကဌ နန်းစေအွာက “အခု ကျမတို့ပါတီက အရွေးခံမယ့်သူတွေထဲမှာပေါ့နော်။ ကျမ အပါအဝင် အမျိုး သမီး လေးယောက် ၀င်ရောက်အရွေးခံကြမှာ ဖြစ်တယ်။”ဟု သူမက ကေအိုင်စီကို အတည်ပြု ပြောဆိုသည်။

အဆိုပါလွှတ်တော် ကိုယ်စားလှယ်လောင်း အမျိုးသမီးလေးဦးမှာ ပြည်နယ်နှင့် ပြည်သူ့လွှတ်တော်နေရာများတွင် အရွေးခံသွား မည်ဖြစ်ပြီး နန်းစေအွာ(အမျိုးသမီး ဥက္ကဌ)က ဖားအံမြို့ မဲဆန္ဒနယ် ပြည်သူ့လွှတ်တော် ကိုယ်စားလှယ်၊ နော်လာခူက သံ တောင်မြို့ မဲဆန္ဒနယ် ပြည်သူ့လွှတ်တော် ကိုယ်စားလှယ်၊ နော်ယုဇနဝါ ကော့ကရိတ်မြို့ မဲဆန္ဒနယ် ပြည်နယ်လွှတ်တော် ကိုယ်စားလှယ်နှင့် နန်းတင်တင်နွယ် ကျိုက်မရောမြို့နယ် မဲဆန္ဒနယ် ပြည်သူ့လွှတ်တော် ကိုယ်စားလှယ်တို့ ဖြစ်ကြသည်။

ဖလုံ-စဝေါ် ဒီမိုကရက်တစ်ပါတီ၏ လွှတ်တော်ကိုယ်စားလှယ်များအနေဖြင့် ရွေးကောက်ပွဲတွင် ၎င်းတို့မဲအနိုင်ရပါက ကရင် ပြည်နယ်အတွင်းရှိ တိုင်းရင်းသားများကို တန်းတူအခွင့်အရေးရအောင် လုပ်ဆောင်ပေးသွားမည်ဟု နန်းစေအွာက ထပ်မံ ပြော ဆိုသည်။

“အန်တီတို့ ပါတီအနေနဲ့ အဓိကကတော့ အန်တီတို့ ကရင်အမျိုးသားတွေ ကရင်ပြည်နယ်မှာရှိတဲ့ တိုင်းရင်းသားတွေ တခြား တိုင်းရင်းသားတွေနဲ့ တန်းတူ အခွင့်အရေးရရှိအောင် လုပ်ဆောင်ပေးသွားမယ်။ အန်တီတို့ရဲ့ ပါတီသဘောထားတွေကို အများ ကသိဖို့ အန်တီတို့က ယူဆထားတယ်။ အန်တီတို့ပါတီသဘောထားကတော့ (၁) ငါတို့သည် ဘယ်သူ့ဘက်ကိုမှ ဘက်မလိုက် ဘူး (၂)အလယ်လတ်တန်းတင် မူဝါဒကို ကျင့်သုံးမယ် (၃)မိမိတို့နဲ့ ထိုက်တန်တဲ့ အစိုးရပေါ်ထွက်လာမယ်လို့ ယုံကြည်တယ်။” ဟု ပြောသည်။

ယခုလို အမျိုးသမီးလွှတ်တော်အမတ်များ တိုင်းရင်းသားပါတီများတွင် ပါဝင်လာခြင်းအပေါ် ဘန်ကောက်မြို့၊ အေပက်တက္က သိုလ်တွင် ပညာသင်ကြားနေသည့် ကော့ကရိတ်မဲဆန္ဒနယ်မြေမှ စောဒေးဗစ်ထွန်းက သူ၏အမြင်ကို ယခုလို ပြောသည်။

သူက “ကျနော့်အနေနဲ့ကြည့်မယ်ဆိုရင် အမျိုးသမီးတွေကလည်း သူတို့အခန်းကဏ္ဍက ပါဝင်ပြီး လုပ်ဆောင်နိုင်တယ်လို့ မြင် တယ်။ ဘာဖြစ်လို့လဲဆိုတော့ ကမ္ဘာတစ်ဝန်းမှာလည်း ဟေလာရီကလင်တန်တို့လိုမျိုးတွေပေါ့။ ဒါပေမဲ့ ဘယ်လောက် လွတ် လပ်စွာ လုပ်ပိုင်ခွင့်ရှိမလဲတော့ မပြောတတ်ဘူးပေါ့။”ဟု ကေအိုင်စီကို ပြောသည်။

ဖလုံ-စဝေါ်ဒီမိုကရက်တစ်ပါတီသည် နိုင်ငံရေးပါတီများမှတ်ပုံတင်ခြင်း နည်းဥပဒေ ၁၃(က)နှင့်အညီ ၎င်းတို့စည်းရုံးရရှိပြီးသော ပါတီဝင်အင်အားစာရင်း ၃၀,၀၀၀နီးပါးကို ပြည်ထောင်စု ရွေးကောက်ပွဲ ကော်မရှင်သို့ သြဂုတ်လ (၃၀)ရက်နေ့က တင်ပြခဲ့ပြီး ဖြစ်ကြောင်း သိရသည်။

၎င်းအပြင် မဲဆန္ဒနယ်မြေများတွင် PSDP အနေဖြင့် ပါတီမဲဆွယ် စည်းရုံးရန်အတွက် လက်ကမ်းစာစောင်များကို စိစစ်ပြီးစီးပါက ကရင်ပြည်နယ်အတွင်းရှိ လူထုထံသို့ ဖြန့်ဝေသွားမည်ဖြစ်ကြောင်း ပါတီဥက္ကဌ စောခင်မောင်မြင့်က ပြောသည်။

PSDP သည် ကရင်ပြည်နယ်ရှိ မဲဆန္ဒနယ်မြေ ၇ခုအပြင် မွန်ပြည်နယ်၊ ကျိုက်မရောမြို့၌လည်း လွှတ်တော်ကိုယ်စားလှယ် ၂ဦး ၀င်ရောက်အရွေးခံသွားမည်ဟု သိရသည်။

ကရင်ပြည်နယ်တွင် ဖလုံ-စဝေါ်ဒီမိုကရက်တစ်ပါတီ (PSDP)၊တိုင်းရင်းသားစည်းလုံး ညီညွတ်ရေးပါတီ(NUP)၊ပြည်ထောင်စု ကြံ့ ခိုင်ဖွံ့ဖြိုးရေးပါတီ (USDP)၊ ကရင်ပြည်နယ် ဒီမိုကရေစီနှင့် ဖွံ့ဖြိုးတိုးတက်ရေးပါတီ(KSDDP)၊ ကရင်ပြည်သူ့ပါတီ (KPP)နှင့် မွန် ဒေသလုံးဆိုင်ရာ ဒီမိုကရေစီပါတီ(AMRDP)တို့ ၂၀၁၀ ရွေးကောက်ပွဲ၌ ပါဝင်ယှဉ်ပြိုင်သွားမည်ဖြစ်သည်။

စစ်အာဏာရှင်စနစ်နှင့် စစ်အုပ်စုဖြုတ်ချရေးတိုက်ပွဲနှင့်အတူ ဒီမိုကရက်တစ် ဖက်ဒရယ်ပြည်ထောင်စု တည်ဆောက်ရေး၊ ၁၉၉၀ပြည့် ရွေးကောက်ပွဲရလဒ်ကို အခြေခံသော ပြည်သူ့ကြားဖြတ် အစိုးရတရပ်ပေါ်ထွန်းရေးကို ဦးတည်သည့် မဟာဗျူဟာ လုပ်ငန်းစဉ် ရည်မှန်းချက်(၁၃)ခု ချမှတ်ခဲ့ကြောင်း ပြည်ထောင်စုမြန်မာနိုင်ငံအမျိုးသားကောင်စီ(NCUB)က ယမန်နေ့က သတင်းထုတ်ပြန်လိုက်သည်။

အဆိုပါ မဟာဗျူဟာလုပ်ငန်းစဉ် ရည်မှန်းချက်ကို NCUB ၏ န၀မအကြိမ်မြောက် ညီလာခံတွင် တညီတညွှတ်တည်း သဘော တူ ချမှတ်ခဲ့ခြင်းဖြစ်ကြောင်း ညီလာခံတွင် အထွေထွေအတွင်းရေးမှူး(၁)အဖြစ် ရွေးကောက်ခံရသူ ဦးအောင်မိုးဇော်က ကေ အိုင်စီကို ယခုလို ပြောသည်။

NCUB ၏ အထွေထွေအတွင်းရေးမှူး(၁)ဖြစ်သူ ဦးအောင်မိုးဇော်ကလည်း “ဒီမိုကရေစီရေး၊ လူ့အခွင့်အရေး၊ ပြည်တွင်းငြိမ်း ချမ်းရေးနဲ့ စစ်မှန်သော ဖယ်ဒရယ်ပြည်ထောင်စု တည်ဆောက်ရေး ဦးတည်ချက်(၄)ရပ်ကိုလည်း ကျနော်တို့ ချမှတ်ခဲ့ပါတယ်။ ဒီဦးတည်ချက်အပေါ်မှာ ကျနော်တို့ ခိုင်ခိုင်မာမာ ဆက်လက်ရပ်တည်သွားမယ်ဆိုပြီးတော့ ဆုံးဖြတ်ခဲ့တာ ဖြစ်တယ်။”ဟု ပြော သည်။

သို့သော် ညီလာခံက ချမှတ်ထားသည့် လုပ်ငန်းစဉ် ရည်မှန်းချက်များကို အကောင်အထည်ဖော်ရေးကိုမူ ဆက်လက် ဆွေးနွေး နေဆဲဖြစ်ကြောင်းလည်း NCUB ဒု-ဥက္ကဌ(၂) ရွေးကောက်ခံရသူ ပဒိုစောအားတိုးက ပြောဆိုသည်။

သြဂုတ်လ ၂၇ရက်မှ ၃၁ရက်နေ့အထိ ကျင်းပပြုလုပ်ခဲ့သည့် အဆိုပါ ညီလာခံတွင် ကိုယ်စားလှယ်ပေါင်း ၆၅ဦး တက်ရောက်ခဲ့ ပြီး လက်ရှိ မြန်မာနိုင်ငံရေး အခြေအနေ၊ ၎င်းတို့၏ နိုင်ငံရေးလမ်းစဉ်နှင့် လုပ်ငန်းစဉ်များ ဆွေးနွေးခဲ့ကြသည်။

NUCB ၏ န၀မ အကြိမ်မြောက် ညီလာခံ ကြေညာချက်ထဲတွင်မူ နအဖ၏ ၂၀၀၈ဖွဲ့စည်းပုံနှင့် ၂၀၁၀ ရွေးကောက်ပွဲကို ဆန့် ကျင်ကြောင်း၊ ၁၉၉၀ပြည့် ရွေးကောက်ပွဲမဲရလဒ်ကို ဆက်လက် ဆုပ်ကိုင်ထားကြောင်း၊ နယ်ခြားစောင့်တပ်ကို ငြင်းဆန်ပြီး ကြံ့ ကြံ့ခံရပ်တည်နေသည့် အပစ်ရပ်အဖွဲ့များကို ထောက်ခံဂုဏ်ပြုကြောင်း၊ နအဖ၏ စစ်ရာဇ၀တ်မှု ကျူးလွန်မှုအတွက် ကုလ သမဂ္ဂမှ စုံစမ်းစစ်ဆေးရေးကော်မရှင်ဖွဲ့ရန် ထောက်ခံကြောင်းနှင့် မြန်မာနိုင်ငံ ဖက်ဒရယ်ပြည်ထောင်စု တည်ဆောက်နိုင်ရေး အတွက် စစ်အာဏာရှင်ပြုတ်ကျသည်အထိ ဆက်လက် တိုက်ပွဲဝင်သွားမည်ဖြစ်ကြောင်း ဖော်ပြပါရှိသည်။

အဆိုပါ ညီလာခံတွင် ဂုဏ်ထူးဆောင်နာယကများအဖြစ် ဗိုလ်ချုပ်ကြီးစောတာမလာဘော၊ ဒေါက်တာစိန်ဝင်းတို့ကို ရွေးချယ်ခဲ့ ပြီး ပဒိုစောဒေးဗစ်သကဘော(ဥက္ကဌ)၊ ဦးဗိုလ်သောင်း(ဒုဥက္ကဌ-၁)၊ ပဒိုစောအားတိုး(ဒုဥက္ကဌ-၂)၊ ဒေါ်စန်းစန်း(ဒုဥက္ကဌ-၃)တို့ ပါဝင်သည့် သဘာပတိ အဖွဲ့ဝင် ၈ဦးနှင့် ဦးမောင်မောင်(အထွေထွေ အတွင်းရေးမှူး)၊ ဦးအောင်မိုးဇော်(တွဲဖက်အတွင်းရေးမှူး-၁)၊ ဦးမြင့်သိဏ်း(တွဲဖက်အတွင်းရေးမှူး-၂)တို့ ပါဝင်သည့် အတွင်းရေးမှူးအဖွဲ့ ၉ဦးကို ရွေးချယ်တာဝန်ပေးအပ်ခဲ့သည်။

NUCB ကို ၁၉၉၂ခုနှစ် စက်တင်ဘာလ ၂၂ရက်နေ့၊ မာနယ်ပလောတွင် စတင်ဖွဲ့စည်းခဲ့ပြီး လက်ရှိအချိန်၌ မြန်မာဒီမိုကရေစီ အင်အားစု အပါအ၀င် ကရင်၊ ချင်း၊ ပအို့ဝ်၊ ပလောင်၊ မွန်၊ ရခိုင်၊ လားဟူနှင့် ‘၀’ စသည့် တိုင်းရင်းသားအဖွဲ့အစည်းတို့ ပါဝင် ကာ ညီလာခံသက်တမ်းကို (၃)နှစ်တကြိမ် သတ်မှတ်ထားသည်။

လုပ်ငန်းခွင်များတွင် လာမည့် ရွေးကောက်ပွဲနှင့် ပတ်သက်သည့် အကြောင်းအရာများကို ပြောဆိုဆွေးနွေးခြင်း၊ စာရွက်စာ တမ်းများ ဖြန့်ဝေခြင်း မပြုလုပ်ရန် ရန်ကုန်ရှိ ပုဂ္ဂလ်ိကနှင့် အစိုးရ၀န်ထမ်းများအား ပြီးခဲ့သည့်အပတ်က တားမြစ်မှုများ ရှိနေ ကြောင်း ရန်ကုန်မှ ၀န်ထမ်းအသိုင်းအ၀ိုင်းများအတွင်း ပြောဆိုနေကြသည်။

မြန်မာနိုင်ငံတွင် ကြက်မွေးမြူရေးနှင့် အသားလုံးလုပ်ငန်း လာရောက်လုပ်ကိုင်နေသည့် Myanmar CP ထိုင်းကုမ္ပဏီတွင် သြ ဂုတ်လ ၂၇ရက်နေ့က ၀န်ထမ်းများအားလုံးကို အရေးပေါ်အစည်းအဝေးခေါ်ယူကာ စည်းကမ်းချက်ထုတ်လိုက်ကြောင်း ကုမ္ပ ဏီဝန်ထမ်းတစ်ဦးက ယခုလို ပြောသည်။

“ကုမ္ပဏီမှာ အစည်းအဝေးနေ့က စည်းကမ်းထုတ်တာလေ။ အလုပ်ထဲမှာ ရွေးကောက်ပွဲနဲ့ ပတ်သက်တဲ့အကြောင်း အချင်းချင်း ပြောဆိုတာ၊ စာရွက်စာတမ်းတွေ မိတ္တူကူးတာ အင်တာနက်ကတဆင့် ဖြန့်တာတွေ၊ ဖုန်းကနေတဆင့် ပြောတာတွေကို လုံးဝ မလုပ်ရဘူးလို့ ၀န်ထမ်းရေးရာက ပြောတယ်။”ဟု ကေအိုင်စီကို ပြောသည်။

အလားတူ ပြင်သစ်ကုမ္ပဏီတခုတွင်လည်း ပြီးခဲ့သည့်အပတ်က ဌာနဆိုင်ရာများကို နိုင်ငံရေးနှင့် သက်ဆိုင်သော အလုပ်များ တွင် ပါဝင်ဆောင်ရွက်မှု မရှိရန် ညွှန်ကြားထားပြီး ပါဝင်ပတ်သက်သည်ကို စုံစမ်းသိရှိရပါက ကုမ္ပဏီမှ အလုပ်ထုတ်မည်ဖြစ် ကြောင်း သိရသည်။

ရွေးကောက်ပွဲနှင့် ပတ်သက်သည့် အဆိုပါ စည်းကမ်းသတ်မှတ်ချက်မှာ ကုမ္ပဏီဝန်ထမ်းများကိုပင် မဟုတ်ဘဲ အစိုးရ၏ ဌာန ဆိုင်ရာ ၀န်ထမ်းများကိုလည်း ကန့်သတ်ထားခြင်းဖြစ်ကြောင်း ရန်ကုန်မြို့ခံတစ်ဦးက ယခုလို ပြောပြသည်။

သူမက “အားလုံးကို အဲလိုပြောတာက ကုမ္ပဏီ၊ အစိုးရအလုပ်တွေ အားလုံးပေါ့။ လူတွေကလည်း ကိုယ့်ဘ၀အတွက်ပဲ ရုန်း ကန်နေရတာ။ အဲဒီလိုကိစ္စကြောင့် ခေါင်းရှုတ်လည်း မခံနိုင်ဘူးလေ။ တရားတာ မတရားတာလည်း မရှိဘူး။ ကိုယ့်ရဲ့ ရွေးချယ် ပိုင်ခွင့်လည်း မရှိဘူး။”ဟု ဆိုသည်။

၎င်းအပြင် ပညာရေးဝန်ထမ်းတစ်ဦးကလည်း “ကျောင်းတွေမှာ အရင်အပတ်က အစည်းအဝေးခေါ်ပြောတယ်။ အစိုးရကျောင်း တွေမှာ ရွေးကောက်ပွဲနဲ့ ပတ်သက်တဲ့ အကြောင်း မပြောရဘူး။ မဆွေးနွေးရဘူး။ အဖွဲ့အစည်းတွေမှာ မပါရဘူး။ စာရွက်စာ တမ်းတွေနဲ့ စည်းရုံးပြောဆိုတာတွေ မရှိရဘူးတဲ့။”ဟု ပြောသည်။

ယခုအချိန်တွင် ရန်ကုန်မြို့ရှိ အဲန်ဂျီအိုလုပ်ငန်းတွင် လာရောက်လုပ်ကိုင်နေကြသည့် နိုင်ငံခြားသားများမှာ မိမိနိုင်ငံသို့ ပြန်သွား ကြသူများ ရှိသလို အချို့မှာ မပြန်ခင် လုပ်ငန်းကို မြန်မာဝန်ထမ်းများထံ တာဝန်လွဲအပ်ပေးနေကြောင်းလည်း သိရသည်။

“ရန်ကုန်မှာ NGO အလုပ်လာလုပ်နေကြတဲ့ နိုင်ငံခြားသားတွေ အခုကတည်းက တဖြည်းဖြည်းနဲ့ ကိုယ့်နိုင်ငံကိုယ် ပြန်ကြကုန် ပြီလို့ ပြီးခဲ့တဲ့ အပတ်ထဲမှာ NGO ရုံးတွေက သိရတယ်။ ရွေးကောက်ပွဲကာလမှာ သူတို့တွေကို နိုင်ငံထဲမှာ နေခွင့်မပေးဘူးလေ။ ဥပမာ visa မပေးတော့တာပေါ့။ ဒါကြောင့် ကျန်နေတဲ့ မြန်မာပြည်သား အလုပ်သမားတွေကို တာဝန်တွေ ခွဲပြီး လွဲပေးနေ တယ်။ တချို့ကလည်း ပြန်ပြီ။ ဆက်ပြန်ရမဲ့သူတွေလည်း ရှိသေးတယ်။”ဟု အဲန်ဂျီအို အသိုင်းအ၀ိုင်းနှင့် နီးစပ်သူတစ်ဦးက ပြောသည်။

ထိုကိစ္စနှင့် ပတ်သက်၍ လက်ရှိ စစ်အစိုးရက တရားဝင် သတင်းထုတ်ပြန်ခြင်း မရှိသော်လည်း ၎င်းတို့ဌာနဆိုင်ရာအလိုက် အသိပေးထားခြင်းသာဖြစ်ကြောင်း ၀န်ထမ်းများက ပြောဆိုနေကြသည်။

၂၀၁၀ ရွေးကောက်ပွဲ ကျင်းပရန် နှစ်လကျော်သာ လိုတော့သော်လည်း ကရင်ပြည်နယ်တွင် ၀င်ရောက်ယှဉ်ပြိုင်မည့် ပါတီများ နှင့် ရွေးကောက်ပွဲကော်မရှင်များမှာ ရွေးကောက်ပွဲနှင့် ပတ်သက်၍ လူထုကို မည်သည့်ပညာပေးမှုမျိုးမှ လုပ်ဆောင်ခြင်း မရှိ သေးသဖြင့် လူထုအနေဖြင့် မည်သို့မဲထည့်ရမည်ကို နားမလည်ကြောင်း သိရသည်။

“ဒီနှစ် မြန်မာနိုင်ငံမှာ ရွေးကောက်ပွဲ လုပ်မယ်လို့ သိရတယ်။ ဘာရွေးကောက်ပွဲတွေလုပ်မလဲ မသိဘူး။ ကျမတို့ကတော့ မဲ ထည့်ရမယ်လို့လည်း ကြားတယ်။ ဘယ်သူ့ကို မဲထည့်ရမလဲ မသိဘူး။ ဘာကြောင့် မဲထည့်ရမလဲလည်း မသိဘူး။ ဘယ်သူမှ လည်း လာပြီး ပညာပေးစည်းရုံးတာတွေလည်း မရှိသေးဘူး။”ဟု ကရင်ပြည်နယ်၊ ကော့ကရိတ်မြို့နယ်မှ နော်ထူးကလည်း ပြောသည်။

ကရင်ပြည်နယ် ရွေးကောက်ပွဲ ကော်မရှင်အနေဖြင့်လည်း ယခုအချိန်ထိ လူထုကို ပညာပေးဟောပြောမှုများ မလုပ်ဆောင်ရ သေးကြောင်း ကော်မရှင် ဥက္ကဌ စောအောင်ပွင့်က ကေအိုင်စီကို ယခုလို ပြောသည်။

သူက “ရွေးကောက်ပွဲမှာ မဲဘယ်လိုပေးရမလဲတို့ ဘာတို့ ကျနော်တို့ ပြည်သူတွေကို မချပြရသေးဘူး။ အထက်က အမိန့်မကျ သေးဘူးလေ။ အမိန့်က ဘယ်တော့ကျမယ်ဆိုတာတော့ မသိဘူး။ နောက်တစ်ခုက အခု နိုင်ငံပါတီတွေ ပါတီမှတ်ပုံတင် လျှောက်နေတုန်းပဲ ဖြစ်နေလို့ပါ။”ဟု ကေအိုင်စီကို ပြောသည်။

မဲဆန္ဒနယ်မြေ ၇ခုရှိသည့် ကရင်ပြည်နယ်တွင် ၂၀၁၀ ရွေးကောက်ပွဲကို ၀င်ရောက်ယှဉ်ပြိုင်ရန် နိုင်ငံရေးပါတီ ၆ပါတီအနက် ကရင်ပြည်သူ့ပါတီ(KPP)မှာ သံတောင်နှင့် ကြာအင်းဆိပ်ကြီးမြို့နယ်တွင်လည်းကောင်း၊ မွန်ဒေသလုံးဆိုင်ရာ ဒီမိုကရေစီပါတီ (AMRDP)မှာ ကော့ကရိတ်၊ ဖားအံနှင့် ကြာအင်းဆိပ်ကြီးမြို့နယ်တို့တွင် ၎င်းတို့၏ ပါတီကိုယ်စားလှယ်များ အရွေးခံမည်ဟု သိ ရသည်။

သို့သော် ကရင်ပြည်နယ် ဒီမိုကရေစီနှင့် ဖွံ့ဖြိုးတိုးတက်ရေးပါတီ(KSDDP)၊ ဖလုံ-စဝေါ်ဒီမိုကရက်တစ်ပါတီ(PSDP)၊ တိုင်းရင်း သားစည်းလုံးညီညွှတ်ရေးပါတီ(NUP)နှင့် ပြည်ထောင်စု ကြံ့ခိုင်ဖွံ့ဖြိုးရေးပါတီ(USDP)တို့မှာ မဲဆန္ဒနယ်မြေတိုင်းတွင် ၀င်ရောက် ယှဉ်ပြိုင်မည် ဖြစ်သည်။

၎င်းပါတီများမှာ မိမိတို့ ၀င်ရောက်အရွေးခံမည့် မဲဆန္ဒနယ်မြေတိုင်းမှ ပြည်သူလူထုကို ယနေ့အချိန်ထိ ပညာပေးမှုများ မရှိသေး သလို လက်ကမ်းစာစောင် ဖြန့်ဝေခြင်းများလည်း မရှိသည့်အတွက် လူထုမှာ ရွေးကောက်ပွဲလုပ်မည့် နေ့ရက်ကိုပင် မသိကြ သေးသူ များစွာ ရှိနေသေးကြောင်း ဖားအံမဲဆန္ဒရှင်တစ်ဦးကလည်း ယခုလို ပြောသည်။

“ရပ်ကွက်ထဲမှာတော့ ဘယ်ပါတီ၊ ဘယ်ရပ်ကွက်မှူးတွေကမှ ရွေးကောက်ပွဲအတွက် ဘာမှ လာပြောတာလည်း မရှိဘူး။ တချို့ ဆို ရွေးကောက်ပွဲဘယ်နေ့ဆိုတာတောင် မသိကြတာ အများကြီးပဲ။”ဟု သူမက ဆိုသည်။

ထိုကိစ္စနှင့် ပတ်သက်၍ PSDP ပါတီကို ဆက်သွယ်မေးမြန်းရာ ယာယီ ဥက္ကဌ စောခင်မောင်မြင့်မှာ နေပြည်တော်သို့ ယနေ့ သွားရောက်နေသည်ဟု ကေအိုင်စီက စုံစမ်းသိရှိရသည်။

ပြည်ထောင်စု ရွေးကောက်ပွဲ ကော်မရှင်အနေဖြင့် သြဂုတ်လ ၁၈ရက်နေ့က နိုင်ငံရေးပါတီများ မဲဆွယ်စည်းရုံးခွင့်ကို တရားဝင် ထုတ်ပြန်ခဲ့ပြီးဖြစ်သော်လည်း ကရင်ပြည်နယ်အတွင်း ၀င်ရောက်အရွေးခံမည့် ပါတီကိုယ်စားလှယ်လောင်းများသည် ယခုအ ချိန်ထိ ကွင်းဆင်းစည်းရုံးမှု မရှိသေးကြောင်း သိရသည်။